| Heathcote William Garrod, comp. (1878–1960). The Oxford Book of Latin Verse. 1912. |
| |
| Character of a Friend of Servilius |
| | | Quintus Ennius (239–169? B.C.) |
| |
| |
| HAECCE 1 locutus uocat, quocum bene saepe libenter | |
| mensam sermonesque suos rerumque suarum | |
| omne iter impertit magnam cum lassus diei | |
| partem fuisset de summis rebus regundis | |
| consilio indu foro lato sanctoque senatu, | 5 |
| cui res audacter magnas paruasque iocumque | |
| eloqueretur et incaute malaque et bona dictu | |
| euomeret si qui uellet tutoque locaret, | |
| quocum multa uolup sibi fecit clamque palamque, | |
| ingenium cui nulla malum sententia suaset | 10 |
| ut faceret facinus leuis aut malus, doctus, fidelis, | |
| suauis homo, facundus, suo contentus, beatus, | |
| scitus, secunda loquens in tempore, commodus, uerbum | |
| paucum, multa tenens antiqua, sepulta uetustas | |
| quae facit; et mores ueteresque nouousque tenentem, | 15 |
| multorum ueterum leges diuumque hominumque, | |
| prudentem, qui dicta loquiue tacereue posset, | |
| hunc inter pugnas conpellat Seruilius sic. | |
| | | Note 1. Said to be intended by the poet for a portrait of himself. [back] |
| |
|
|
|
